ELURREZKO PANPINA

Gabonetako zuhaitza baino nahiago baduzue elurrezko panpina, hona hemen beste proposamen bat.
Eman begiratu bat eta aukeratu nahi duzuena.
Animo!!

GABONETAKO TARJETAK

Gabon artistak!!
Abenduan sartu gara dagoeneko, eta neguko hotzarekin batera badatoz gabonak.
Egun hauetan, bapo jateaz gain, etxeak eta kaleak apaintzen ditugu, eta askotan postalak bidaltzen dira lagun edo senideak zoriontzeko. Horregatik, gaurkoan postalok zeuek egitea proposatzen dizuet bideo honen bitartez.
Dirudiena baino errazagoa da, beraz, egon adi bideoaren azalpenei eta ekin lanari!

KOILARAZ EGINDAKO MARKOA

Arratsaldeon guztioi!!
Gaur, zerbait desberdina egiteko asmoarekin, eskulan dibertigarri bat propostzen dizuet.
Askotan, erabiltzen ez ditugun objetuak izaten ditugu etxean, eta aukera paregabea da horri probetxua ateratzeko. Gainera, ez dugu zertan adituak izan behar arte plastikoen munduan, edozeinek egiteko modukoa baita.
Eskulan honen bidez, bihur ezazu ispilu arrunt eta aspergarri bat, ispilu alai eta dibertigarri.
Horretarako, koloretako koilarekin egindako marko hau gehitu diezaiokezu, eta zoragarria izango da zure logela apaintzeko, edo baita amari edo lagunen bati oparitzeko ere.

MATERIALA:
- Ispilu biribila
- Silikonadun pistola
- Koloretako koilarak ( kantitatea ispiluaren tamainaren araberakoa izango da)


1.go pausua

Pistolarekin, jar ezazu silikona kantitate dezente bat koilararen heldulekuaren atzeko partean.
Itsasi koilar ispiluaren gainean, honen heldulekua ispiluaren zentrura begira kokatuz. Ondoren, zapaldu ezazu pixka bat behatzarekin ongi pegatuta geratu dadin.

2. pausua

Jarraitu prozesu bera bigarren koilara itsasteko, eta kokatu ezazu justu lehenengoaren ondoan koilara bakoitzaren alde zabala bestearen azpian geratzen delarik, gainjarrita baleude bezala.

3. pausua

Errepikatu lehen eta bigarren pausuak koilara berriak itsasiz ispiluaren markoa guztiz beteta geratu rte.

Kubismoa eta estilo honen ezaugarriak

Hemen dauzkazue Kubismoko hainbat artelan, eta baita arte estilo honen ezaugarriak ere labur labur azalduta.

Kubismoa

1907an irudikatze molde tradizionalarekikoak guztiz hautsiko zituen estiloa plazaratu zuen Pablo Picasso pintore malagarrak bere “Avignongo andereñoak” koadroarekin. Kubismoren oinarriak zehaztu ziren margolan haren bitartez eta lehen esan bezala, pintura irudiaren kontzepzio berri bat azalduko zen artearen munduan.
Quattrocentotik aurrera pinturaren historia osoan zehar, perspektiba konikoa erabiltzen zen espazioaren aurkezpen koherentea eskeiniz, ikuspegi finko mugi ezin batetik ikus zitekeena hain zuzen ere. Era berean, formetan argi ilunak bideratuz eskeintzen zen bolumenaren sentsazioa.
Zalantzan jartzen hasi ziren pintore postinpresionistak irudikatze molde hura eta hainbat esperientzia bideratu zituzten aldatzeko, baina kubismoak ekarri zuen erabateko etena.
Honako galdera hau planteatu zuen kubismoak:zergatik ez sortu aurkeztu nahi ditugun objetu edo espazioen aldian aldiko eta ikuspegi desberdinen araberako behaketen halako bilduma eskeiniko digun irudia? Beraz, gogoeta honi jarraiki, artistak bideratu duen beritxuratze prozesu intelektualaren emaitza azaltzen zaigu margolanean.
Horrenbestez, lorturiko irudi moldea ere koherentea da prozedura tradizionalen araberakoa ez bada ere; izan ere, molde tradizionaletan bideraturiko lanetan une jakin batean eta ikuspegi batetik jasotakoa da irudian azaltzen dena.
Kubismoak, agerian ditu hainbat iturritatik jasotako eraginak:
- Cezanneren pintura: bolumena kolore- planoen bidez, eta ez argi ilunen bidez.
- Antzinako Egiptoko pintura: irudikatu beharreko pertsonaiaren imajina osorik eta era koherentean eskeintzearren, perfilez pintatzen zuten haren aurpegia et perfilez begia.

ABANGOARDIAKO ARTEAREN NONDIK NORAKOAK

“Abangoardia” kontzeptuak historialari batzuei hutsegiteak sortarazten dizkie, beraz esamolde hori arretaz aztertu behar da. Jakintzagai guztietan
aurkitzen da kontzeptu hau, baina bakoitzean bere mugak,ezaugarriak eta baldintzak ditu. Horrexeagatik jakintzagaiaren arabera sakonki aztertu beharra dugu, eta noski, artean bere ezaugarri zehatzak ditu. Adibidez,zentzu desberdinak hartzen dituzte abangoardiei dagokienez, musika politika eta artearen arloek.
Arteari dagokionez, abangoardiak dira XIX. mendearen amaieratik 30. hamarkadaren bitartean garatu ziren joera artistiko desberdinak. Egoera horretatik “modernitatea” terminoa sortzen da, eta era horretan abangoardiak eta modernitatea elkartu ziren, garaiko artearen historia ulertzeko.

Abangoardiak, ohiko formak, imajinak eta errepresentazioak apurtzen dituen aldaketa bezala ulertzen dira, modernitatea eraikitzeko eta mintzaira artistiko berria sortzeko asmoz. Abangoardiekin, errealitatearen imitazioak indarra galdu zuen objetibitatean oinarritzen ez den beste errealitate bat lortu nahian. Izan ere, Aro klasikoan, artista ona esku ona zuena zen, inguruko errealitatea hobeto kopiatzen zuena.
Hitz batez, esan daiteke abangoardien lorpen garrantzitsuena formaren eta kolorearen iraultza izan zela.
Beste mintzaira artistiko bat sortu zen eta formaren eta kolorearen aldetik erradikalismo bat bultzatu zen artearen ohiko errepresentazioa zalantzan jarriz.

Iragan edo tradizioan ez zegoena irudikatu nahi izan zuten, adibidez, forma abstraktuak, kolore anormalak, gorputz-deskonpozioak eta abar. Artistek plano praktikoetan eta teorikoetan, pinturan, eskulturan, zineman, grabatuan egin zuten lan. Haiek sortutako artelanek askatasun artistikoa islatu zuten, abangoardiako artearen historia finkatuz. Mintzaira artistikoaren arabera, modernitatean edo klasizismoan mugitzen garen jakingo dugu eta zentzu honetan modernitate barruan sartu gara.

Garai honetan, XX.mendean, orijinaltasuna eta berriztapena artelana aztertzeko oinarrizko kriterio nagusi bilakatu ziren. Hurrengo ezaugarriak aurkezten ditugu: Berpizkundeko perspektiba hautsi zen; izadia irudikatzeko edozein koloreren erabilera; abstrakzioa; pigmentoen ordez material berriak… Adibidez, kubismoan, futurismoan eta dadaismoan erabilitako paper itsatsiak, egurrak eta argazkiak; prozesuari arreta; objektu gutxietsiak eta hondakinak erabiltzea eta hautatzea; material galkorrak eta iragankorrak onartzea.

Eskulturaren aldetik, iraganean ordura arte erabili ez zituzten teknikak eta materialak agertu ziren: altzairua, burdina, plastikoa, eta abar; abstrakzioa....

Abangoardiako eskultura I

View more presentations from mfresnillo